السبت , نوفمبر 28 2020

في يوم الرجل… رسالة أسما شريف منير لهؤلاء الـ4

احتفلت أسما شريف منير باليوم العالمي للرجل الذي يوافق اليوم 19 نوفمبر بذكر أهم 4 رجال في حياتها.
أسما شريف منير عن زوجة أبيها: بتفهمني وبتحس بيا

ونشرت أسما شريف منير صور والدها وزوجها وزوج عمتها وأخيها عبر حسابها على Instagram وكتبت معلقة: "ديماً بنسمع عن اليوم العالي للمرأة و عن عيد الأم بس مش ناس كتير بتهتم اليوم العالمي للرجل و لا عيد الأب، انهاردة ١٩ نوڤمبر هو اليوم العالمي للرجل و عشان كده دي فرصة احب فيها و اقدر الرجال اللي في حياتي اهمهم 4".

تابعت: "رقم ١ دائماً و ابداً ابويا حبيبي، سندي و ضهري، قاسي و لين، ديماً في ضهري و تعب عمره كله عشاني انا و اخواتي، حرم نفسه من حاجات كتير عشان يعلمنا و يخلينا في مستواي كويس و ده كان ديماً ضغطه في شغله، احن و اطيب رجل في الدنيا رغم انه عصبي و حمقي، راجل محترم و الناس حبتنا بسببه، ربنا ما يحرمني منك و يديك الصحة و مشوفش فيك حاجة وحشة ابدا".

أضافت ابنة شريف منير: "٢) ثاني اهم راجل في حياتي هو جوزي و حبييي، رفيق الكفاح و النجاح و الايام الصعبة ، عصبي زي ابويا بالظبط، ناري بس مفيش في طيبة قلبه، بستمد طاقتي منه لاني مشفتش و لا هشوف حد مصّر ينجح كده، جدع و مكافح، رغم اننا ناقر ونقير بس مقدرش اتخيل حياتي من غيره، ضهري برضة و حب حياتي، يا رب تحقق كل اللي بتحلم بيه لأنك تستاهل كل حاجه حلوة في الدينا، ربنا يخليك ليا و يرزقني ب طفل مجنون زيك، بجد بحبك".

استكملت: "٣) وليد صلاح، زوج عمتي و ابويا التاني، الجندي المجهول، الرجل ده مفيش حد جدع زيه، لما امي توفت ساب بيته هو و عمتي و عاشوا معانا عشان ياخده بالهم مننا لحد ما اتجوزت و اخويا اشتغل، ١٠ سنين، حب و احتواء و حنان، هو اللي ديماً كان بيشجعني علي الشغل و يبهدلني لو قعدت فاضية مش ورايا حاجة، كان و مازال مهتم بكل تفاصيل حياتي، وجودوا في حياتي انا و اخويا فرق في كل حاجه في حياتنا، ربنا يخليك لينا يا اجدع راجل في العالم".

إقرأ أيضاً  رسالة إليسا للنساء: اكسري صمتك ولا تكسري صورتك

اختتمت أسما شيرف منير: "٤) اخويا او ابني فؤاد، مفيش حد طيب زيه، ده ابني وحبييي واخويا، كل الناس الطيبة في كفة واخويا في كفة تانية، فنان موهوب وأحن أخ، بحبك يا حبيبي، يا رب افرح بيك دايماً وينجحك وتحقق كل اللي بتتمناه، خدوها فرصة وعبروا عن حبكم وامتنانكم للرجال اللي في حياتكم، الرجولة هي ثقافة النظرة وسط جهل العيون وهي حضارة الكلمة وسط الصمت ، وهي الذراع التي تمتد لتحمي ، والعقل الذي يفكر ليصون ، والقلب الذي ينبض ليغفر، كل سنة و كل راجل حنين، طيب، سند و ضهر، حماية و حب
دايماً رجالتنا و حمايتنا ".

View this post on Instagram

A post shared by 𝘼𝙨𝙢𝙖 𝙨𝙝𝙚𝙧𝙞𝙛 𝙢𝙤𝙣𝙚𝙚𝙧 (@asma.sherif.moneer)

يذكر أن أسما شريف منير شاركت والدها في تقديم برنامج "أنا وبنتي" عبر قنوات ON، الذي انتهى عرض آخر مواسمه ‏قبل بداية شهر رمضان‎.‎

اقرأ أيضًا…

فيديو- دريد لحام يعلن عن فيلم يجمعه بعادل إمام.. الاتفاق تم في "دبي"

أحمد الفيشاوي يضرب محمد رمضان في برومو اغنيته "نمبر 2"

شريف منير محمود حجازي أسما شريف منير

المصدر فى الفن