سعد الصغير: أصيبت بحالة هيستيرية لما ابني قالي هيلعب في الزمالك.. وأيتن عامر تعلق

سعد الصغير: أصيبت بحالة هيستيرية لما ابني قالي هيلعب في الزمالك.. وأيتن عامر تعلق

ثقافة وفنون

محمد طاهر أبو الجود

A قال المطرب الشعبي سعد الصغير: "ولادي محمود وتوتى كانوا بيلعبوا في النادي الأهلي، وزعلوا من أنهم قاعدين احتياطي علشان كده راحوا بتروجيت".
أبناء سعد الصغير
وتابع خلال لقائه ببرنامج "ليلة الخميس" المذاع على قناة "إم بي سي مصر": "محمود ابني كان بيلعب قدام الزمالك وكسبوا الزمالك 2/1 وقتها شافه جمال حمزة وكان عايزه يوقَّع للزمالك ولما قاللي صرخت وقعدت أصوت فقالي خلاص وربنا كرمه ومرضيش يمضى، هو أهلاوي جدًا ولكنه كان عايز يشوف مستقبله لكن مينفعش ابني يلعب للزمالك يا أهلي يا بلاش".
ابن أيتن عامر
من جانبها قالت الفنانة أيتن عامر: "أنا أهلاوية جدًا ولكن ابني يوسف يلعب في أي نادي يقدَّر موهبته حتى لو الزمالك، ولكن هيبقى عندي مشكلة لو الزمالك بيلعب مع الأهلي وهبقى مقسومة نصين، ولو ابني بيلعب مع الزمالك قدام الأهلي هبقى عايزاه يجيب أهداف ولكن في الآخر الزمالك يخسر علشان الأهلي يكسب".


دعم بيومي فؤاد للأهلي
من جانبه قال الفنان بيومي فؤاد: "أنا لو ابني الوحيد بيلعب في الزمالك هدعي ربنا في صلاتي إن الأهلي يكسب".

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد