كنت مرتبطة بواحد سنتين واهلي عرفوا 2
أنا كنت مرتبطة بواحد سنتين واهلي عرفوا جه بابا قالي لو مجاش بيتك يبقا بيضحك عليكي طبعا بعد اما بابا ضـ.ـربني وكده كلمته وقولتله انا جايلي عريس وبابا موافق مردتش اقوله ان بابا عرف المهم قالي
انا عني وانتي عارفة بس أوعدك انا هجيلك انا بحبك قولتله لا خلاص شوف طريقك قالي انا مش عارف اقولك ايه قولتله سلام وكنت مكسوفة اقول لبابا ان فعلا مش هيجي لقيته رن عليا تاني يوم وقالي انا مش مقدرتي والله وقالي انا ممكن أكلم أبوكي بس وأقرأ فاتحة وبعد شهرين أجيب دهب قولتله عاوزة اشوفك وكنت داخلة جمعية وقبضتها ١٢ ألف جنيه لأني بشتغل وكنت بحوش من مرتبي المهم كان معايا ١٥ الف جنيه محدش يعرف بيهم
خدتهم وروحت قولتله خليهم معاك وكلم بابا وهاتلي حتى لو دبلة وخاتم زعل فضلت اقوله هضيع منك وكده مكنش راضي فضلت أتحايل عليه بالفعل تاني يوم جه لبابا بعدها اتخطبنا وجابلي بـ ٢٠ ألف هو حط الخمسة دول بس معرفش ن كل شوية كان بيقولي جايبة الفلوس ن قولتله والله جمعية وكده
المهم بعد شهرين خطوبة لقيته بيقولي قابليني ف لقيته جايبلي بوكس فيه بطوط وشيكولاتة وحاطتلي ١٨ ألف وهو بيديني البوكس مرضاش يخليني أفتحه غير في البيت
المهم الفلوس دي اعمل ايه فيها هو قالي انه عمل جمعية وقالي انتي شبشبك على اغي وباس ايدي وسألته جبتهم ن حلف انه دخل جمعية وأنا عاوزة أديهم ليه تاني عشان ميزنقش نفسه حد يقولي اعمل ايه. ادعولى