مفيش حد يقدر يختار الظروف اللي هو هيعيش فيها 16
_ بصله منصور وضحك بغيظ. هاهاهاها
_ بس تصدق يا حسن برافوو برافوو عليك لعبتها صح . وصح اووي.
تخلص من سناء وابقي ابيض يا ورد. وكمان تخلص من قاسم وبكدا قدامك منصور تخلص عليه وانت بقي والهانم وتاخد كل حاجه لوحدك برافووا عليك .
سكت منصور شويه وقال..
طيب والغلبان شعبان كان دوره اي عشان تخلص عليه..
_ بصراحه شعبان قتلتله بالغلط. المقصود كانت سناء . بس نصيبه كدا.
باصص ناحيته منصور والغل والنار جواه من كلام حسن .. بص ناحيت رجالته وقال..
_ خدوهم ودخلوهم عربيتي وكل واحد يرجع مكانه..
خدوهم رجالة منصور وطلعوا بيهم.
منصور بص ناحية صفيه وقال..
_ هتفضلي هنا والا هتيجي معايا..
بصتله صفيه وقالت
_ لا جايه معاك طبعا..
حط ايده منصور علي كتفها وخرج بره. ركبوا السياره وطلع بسرعه شديده ووصلوا للغرفه عند عوف
طلع عوف من الاوضه وشال دلال ونزل منصور حسن . بص لصفيه منصور وقال
_ خليكي بالعربيه مش هتاخر
هزات راسها بنعم صفيه
دخلوا الغرفه كلهم وبعد وقت قصير طلع منصور بره الغرفه واستخبي وراء باب الغرفه..
صفيه شافته بيستخبي ورا الباب واستغربت من فعل منصور .
منصور بعد ما استخبي وراء الباب طلع مسدسه الخاص. ونادي بصوت عالي.
_ عوف يا عوف تعالي هنا.
طلع يجري عوف من الغرفه لبره. اطلق عليه منصور الرصاص عدة مرات ووقع عوف بالارض حثه هامده ..
منصور سحب عوف لداخل الغرفه وبعد شوي طلع من الاوضه وقفل الباب. ورايح ناحية العربيه..
ركبت عربيته وساق ورايح داخل القصر.
وبيص علي صفيه جمبه
–صفيه صفيه ايه روحتي فين بكلملك.
–ايوه معاك يابيه.
—معايا ايه بقي دا انتي في دنيا تانيه خالص بقالي ساعه بكلمك وانتي ولا هنا.
–والله معاك وسامعه كل اللي قلته بس سرحت شويه.
_سرحتي في ايه لازم اعرف انتي بتفكري في ايه وانتي معايا.
–بصراحه مش عارفه انت كنت عايش في القصر ده ازاي كل المؤمرات دي حواليك كل الناس اللي عايشين في خيرك وبيخونوك.
–انتي لسه صغيره ياصفيه متعرفيش الدنيا ماشيه الزاي متعرفيش ان اقرب الناس ليكي دلوقت ممكن هو اللي يخونك ويتامر عليكي متعرفيش ان دلوقت الايد اللي بتتمد بالخير هي اللي بتتعض وانك لازم تمشي علي مبدا اتقي شر من احسنت اليه اللي هتحبه وتحسن اليه هو اول واحد هيخونك ويطعنك في ضهرك.
–ياه يامنصور بيه هي الدنيا قد كده بقت وحشه.
— واكتر ياصفيه والدنيا وحشه مش من دلوقت بس ياصفيه من بدايه الخلق الاخ قتل اخوه بس الدنيا بتزيد وحاشتها يوم بعد يوم وبيزيد ظلمها ودايما بتيجي علي اللي بيحبها وبتاخد منه كل حاجه اما اللي مش بيفكر فيها وبيديها ضهره بتديله كل اللي عايزه.
–شكلك شفت كتير قوي يامنصور بيه.
–كتير قوي ياصفيه اكتر مما تتخيلي اللي انا شفته محدش شافه سيبك متفكريش في حاجه خلينا في اللحظه اللي عايشنها دلوقت.
عايزك تنسي اللي شفتيه وتنسي كل حاجه حصلت متفكريش غير في اللي جاي وحياتنا مع بعض انا هخليكي اسعد واحده في الدنيا كلها وهلففك العالم كله هوديكي اماكن عمرك ماكنتي هتشوفيها حتي في احلامك.
–انا مش عايزه اي حاجه غير اني اكون جنبك انا مبقتش اقدر اعيش من غيرك.
–بقيتي تعرفي تتكلمي ياصفيه ومبقتيش تترتعشي لما تقفي قدامي.
انتي عارفه ياصفيه انتي اطهر وانقي حاجه في حياتي كلها
حاجه علي الفطره لسه متلوثتش وديما هخبيكي عن عيون الناس علشان مفيش حد يقرب منك.
–وانا مش عايزه من الدنيا دي غيرك انت وبس.
وصلوا الفيلا ودخلوا جوه . ومسك منصور صفيه من ايديها
وطلع علي اوضته.
–انت موديني فين.
–متخافيش تعالي انتي خايفه مني.
–لا عمري ماخاف منك.
–دخل الاوضه وفتح الدولاب بصي جبتلك ايه.
–كل ده علشاني.
–ولسه في حاجات تانيه كتير هجيبلك كل اللي انتي عايزاه مش هخلي نفسك في اي حاجه.
دهب وهدوم وفسح وكل حاجه.
عارفه ياصفيه انا مبقتش احس بالامان غير معاكي عارفه لما بتخديني في حضنك بحس بدنيا تانيه دنيا طول عمري بدور عليها فيها دفا وحنان ملقتهوش غير عندك ايوه ياصفيه انا بعترفلك بالكلام ده ومش خجلان انتي الحاجه اللي كانت مفقوده فيحياتي وفضلت ادور عليها لما لقيتها.
–ان فرحانه قوي قوي ان بسمع منك الكلام ده وعمري ماكنت اتخيل انك تقوله.
المهم بقي انا هقوم احضر عشا علشان نتعشا زمانك جوعت ..
–بقي بعد اللي قولتيه دا كله وتقوليلي عشا. انا هاكل بس هكلك انتي الاول انتي وحشاني قوي تعالي هنا وبيشيلها وبيحطها علي السرير بيبداو حياه جديده كلها حب وسعاده…
شاهد ايضا قصة جوزي قرر يجيب مراته التانيه تعيش معايه
جوزي قرر يجيب مراته التانيه تعيش معايه في نفس البيت
بعد ما خلصوا شهر العسل .. مع انه قالي انها عندها شقه هي هتقعد فيها
بعدها قالتلي معلش مش هينفع نسيبها لوحدها في شقه بعيد عن ابني وانتوا كده كده ربنا ما رزقكمش بعيال عشان مش بتخلفي..
فهنخليها تقعد في الاوضه التانيه اللي المفروض كانت للعيال
أنا مش متخيلة ان الاحداث بتمشي بسرعة كده وانه ساب أمه تكل بالشكل ده
احنا متجوزين من 3 سنين .. وبنحب ب من قبلها ب 5 سنين
كله بسبب .. أمه اللي عماله تقوله من حقك تتجوز ومن حقك تخلف .. ليه ما نرضاش بقدرنا وخلاص
ليه مصمم تجرح مشاعري .. ليه بتخليني اكرهك وانت اكتر حد كنت بحبه .. انا قولت خلاص ات اللي بحبه والدنيا هتبقى حلوة مهما كانت
بس واضح ان الشخص مهما كان بيحبك اهله لو ناس مش كويسين هيتعبوك ويروا حياتك
وللمرة التانيه امه تقنعه انه يخلي مراته معايه في ال وهي شقته باسمه وشايفين انه من حقه يخلينا مع ب في بيته
أدهم بقى قلبه .. بقيت أعيط كل يوم وانا قاعده لوحدي .. خلاص فاضل ساعه ويوصلوا العريس وه
متجوز واحده امه اللي نقتهاله عشان بتقوله سبتك تنقي جبتلنا خيبه
المشكله ان اهلي ناس غلابه اوي بيقوليلي اصبري تي معاه بدل ما تطلقي وتقعدي في البيت مش لاقيه اللي يصرف عليكي