انتى طالق قال كلمته بجمود 3

يونس بقلق : ايه ال جابك هنا يارقيه ؟؟
والدة رقيه بحزن : كانت حامل والطفل نزل يابني

يونس بحزن : لاحول ولاقوة الا بالله معلش ربنا يعوضك خير
رقيه كانت ساكته تماما ومش عارفه تقول ايه كريمه : الواطى طلقها وهي لسه خارجه من العمليه حسبي الله ونعم الوكيل فيه هو وأمه

رقيه : ماما بعد إذنك كفايه

كريمه بغضب : لاء مش كفايه بطلى تدافعى عنه بقا ده ميستاهلش
يونس قبض على ايده بغضب من غير هي ماتاخد بالها وقال : أهدى بس يا أمى المهم صحتها الاول
رقيه كانت بتسمعه ودموعها نزلت بندم

يونس بابتسامه: عن أذنكم هجيب إذن الخروج عشان تقدروا تمشوا
قال كلامه وخرج من الأوضه

كريمه : شايفه ابن الاصول ربنا يحفظه ويحميه يارب
رقيه اتنهدت بوجع وسكتت

سعاد : قوم ياحبيبى علشان تاكل
أحمد بضيق : مش جايلى نفس

سعاد : لاء مش عايزه حبستك لنفسك دي قوم كده فوق عشان تخرج تروح للمأذون وتريح نفسك من الهم ده
أحمد : طيب

سعاد بخبث : وعندى ليك مفاجاه انما ايه هتعجبك اووى
أحمد : مفاجأة ايه ؟؟
سعاد : لما تيجي بس يلا قوم

قالت كلامها وخرجت وهو افتكر رقيه ومعاملته معاها الفتره الاخيره
رقيه بفرحه : عارف يا أحمد لما يجي البيبى نفسى اخليه اسمه أحمد زيك عشان يكون شبهك

أحمد بضيق : مش وقته يارقيه لما يبقا يجى بس
رقيه بحزن : هو ممكن ميجيش فعلا

أحمد قام وقف بعصبيه وقال : يوووه نكد كل يوم مانتي عارفه أن هو فعلا ممكن ميجيش وبرضوا متعشمه
رقيه بدموع وصدمه : انت مش عايزه يجى صح

أحمد بصلها بغضب وخرج من البيت وهي انهارت من العياط
رجع من تفكيره وقال بضيق : لازم انساها واعيش حياتى بقا كفايه لحد كده

ملك بصدمه : هو ال شوفته النهارده ده حقيقى
يونس : شوفتي ايه ؟؟

ملك : رقيه ال كانت خارجه من المستشفى وانا داخله صح
يونس بتوتر : ا ايوه هى

ملك باستغراب : بس هو فين جوزها وكانت بتعمل ايه فى المستشفى
يونس : ايه الاسئله دي كلها ياملك ماخلاص

ملك : انت ناسى أنها كانت صحبتى لولا الزفت جوزها ده ال خلاها تقاطعنى عشانك
يونس بصلها وقال بضيق : رقيه اتطلقت

ملك بصدمه : طلقها !!!!
يونس : ايوه

اضغط هنــــــــــــــــــــا للجزء 4

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

سياسة الخصوصية وملفات تعريف الارتباط