انتى طالق قال كلمته بجمود 10
رقيه بدموع : هسيب البلد وهسافر
ملك وكريمه بصدمه : نعممم
رقيه وجع : انا وجودى مؤذى جدا هنا وانا مش هسمح أن أدمر حياة يونس تاني
ملك : بس يونس مشتكاش ليكي يارقيه
رقيه بدموع : لاء انا أذيته زمان وبأذيه دلوقتي اكتر
ملك : بس
قاطعتها رقيه وقالت : سبيني لأول مره اعترف بغلطى زمان أنا اختارت أحمد واتخليت عن يونس
وده لان مشيت ورا كلامه المعسول وكدبه وكمان كنت بعيده كل البعد عن ربنا يونس ميستاهلش منى كده ابدا
كريمه بدموع : خلاص يابنتي بلاش كلام كتير عشان صحتك
رقيه بحزن : انا عارفه ان يونس بيكر”هنى لأن اكتر انسان مر عليه وكان مؤذى فى حياته
يونس دخل وكان باين عليه علامات خناق وقال : بس انا مش بكر”هك يارقيه ولا عمرى كر”هتك
رقيه بصدمه : يونس ايه ال عمل فيك كده
يونس بابتسامه : اخدت جزء بسيط من حقك والباقي الحكومه كفيله أنها تجيبه
رقيه بدموع : انا مستاهلش يايونس صدقني انت كل مره بتحسسنى بالذنب اكتر
يونس مغير الموضوع : المهم دلوقتي القضيه الاسبوع ال جاي
رقيه مسحت دموعها وقالت : أن شاء الله
كريمه : يلا يابنتي ادخلى أرتاحي بقا شويه
رقيه دخلت مع امها وملك قربت من اخوها
ملك بتنهيده : برضوا بتكابر
يونس اتنهد بتنهيده عميقه : صدقيني صعب جدا
ملك : ربنا يسعدك ياحبيبي
يونس بابتسامه : يارب
أحمد كان ماسك وشه بوجع
سعاد بغضب : حسبي الله ونعم الوكيل فيهم اكيد هي البت السبب ماهي ماصدقت تطلق عشان تمشى على حل شعرها و
قاطعها احمد بحده : كفايه كفايه حرام عليكي بقا رقيه معملتش فينا حاجه اصلا بالعكس هي اتد**مرت بسببنا
سعاد بصدمه : انت بتدافع عنها انت ناسى أن دي السبب فى
أحمد : السبب فى ايه معلش انا ال سيبتها وطلقتها وغدرت بيها وكمان انا ال موت ابنى بايدي وده كله بسببك
سعاد بعصبيه : على أخرى الزمن هتوقف قدامي عشانها
أحمد بضيق : انا تعبت بقا الذنب مش عليكي لوحدك انا كمان غلطان لانى كنت فاكر أن مفيش زي فى الدنيا
وان رقيه عمرها ماهتسيبنى ابدا مهما استغنيت عنها
سعاد بسخريه : بس هي اصلا قليلة الأصل
أحمد ضحك بصوت عالى وقال : قصدك انا ال قليل الاصل معاها يمكن أن يونس يجي عندي النهارده ده فوقني كتير انا عرفت أن مريم اخدت كل الورق عشان توصله لرقيه وده ال انا كنت عامله
سعاد بصدمه : نعمم
أحمدبحزن : انتي يا أمى هتعيشي فى بيتك معززه مكرمه بلاش مشاكل هي هتاخد حقها وانا هطلب منها تسامحني رغم أن عارف ان ده صعب جدا وبالذات لما دمرت ابننا بإيدي
سعاد : وانت ناوي تعمل ايه
أحمد بشرود : الايام الجايه ال هتحكم
سعاد كانت مصدومه فى ابنها وفى تسامحه مع رقيه
سعاد بغضب : بص يابن بطني لو منفذتش ال قولتلك عليه ومرمط البت دي فى المحاكم انسا أن امك عايشه مفهوم
أحمد اتصدم من تهديها وهي قالت كلامها وخرجت
بعد اسبوع