الرئيسية / فن / عمرو الليثي يشيد بمبادرة تنظيف التلاميذ لمدرستهم بمحافظة الدقهلية

عمرو الليثي يشيد بمبادرة تنظيف التلاميذ لمدرستهم بمحافظة الدقهلية

عمرو الليثي يشيد بمبادرة تنظيف التلاميذ لمدرستهم بمحافظة الدقهلية قال اﻻعلامي د. عمرو الليثي بمقدمة برنامج واحد من الناس ان العنوان اللى اختارتة مدرسة احمد ابراهيم الابتدائية فى قرية كفر ابو ناصر بمركز دكرنس بالدقهلية لمبادرة تنظيف التلاميذ لمدرستهم هات كيس وانت جاى.
وأضاف الليثي كل تلميذ بيجى المدرسة الصبح وفى شنطتة كيس يجمع فية اى قمامة او اوراق سواء داخل الفصل او خارجة وبياخد الكيس معاة وهو ماشي علشان يرمية فى اقرب صندوق قمامة خارج المدرسة او ياخدة البيت ويتخلص منة هناك.
وتابع الليثي اد اية الفكرة بسيطة جدا جدا لكنها عميقة جدا ومهمة جدا ومفيدة جدا، وتسائل الليثي طب لية الفكرة دى اتعملت بالشكل دة ؟.
علشان المدرسة مافيهاش عمال نظافة من حوالى سنة وفيها عامل نظافة واحد من ذوى الاحتياجات الخاصة واللى صعب علية انة يتحمل وحدة نظافة المدرسة كلها ودة اللى خلى ادارة المدرسة تفكر انها تساعدة وفى نفس الوقت تغرس فى نفوس التلاميذ سلوكا جديدا يحثم على نظافة المكان اللى بيتعلموا فيه.
وفي الختام وجه الليثي التحية لادارة مدرسة احمد ابراهيم على مبادرتهم العظيمة اللى فيها دافع انسانى واجتماعى فى نفس الوقت

المصدر الفجر