الرئيسية / اخبار مصر / صوت الناس.. صراع على تذكرة السفر.. زحام أمام محطة قطار نجع حمادي

صوت الناس.. صراع على تذكرة السفر.. زحام أمام محطة قطار نجع حمادي

زحام أمام محطة قطار زحام أمام محطة قطار نجع حمادى عانوا فى رحلة الذهاب، ويعانون في العودة إلى أعمالهم، يصطفون بالعشرات أمام محطة القطار في نجع حمادي، وكل أملهم الحصول على تذكرة سفر للقاهرة أو الإسكندرية. يقول محمود عفت، ٢٧ عاما: "في كل مناسبة عيد يحدث زحام شديد أمام شباك التذاكر في نجع حمادي، ونعاني في الحصول على تذكرة، عشان تسافر لشغلك في القاهرة أو وجه بحري، وسواقين الميكروباصات يبالغون في زيادة أسعار الأجرة استغلالا لهذا الزحام، يعني غير معقول مركز بحجم نجع حمادي وفيه مصنعان من أكبر المصانع في الشرق الأوسط مفيش تذاكر زيادة ليه أيام العيد، وبتزيد فى أسيوط وسوهاج اللي فيها قطارات مكيفة بتتحرك منهما، طبيعي الأعداد بتزيد عشان اللي راجع من العمال لأهله يقضي الإجازة والازدحام بيستمر لحد بعد العيد بأسبوعين مثلا مفيش تذاكر". ويضيف محمد عايد: "أنا بدرس في جامعة القاهرة وبعد العيد عندي فصل صيفي ورغم إني رايح قبل حجزي بـ٨ أيام قالي مفيش تذاكر، يعني المفروض تأجل سفرك عشان هما يحددو لك تسافر إمتى، المفروض أول حجز ليا هيكون بعد الميعاد اللي عايز أسافر فيه بـ٥ أيام، روحنا للمسئولين في المحطة مشكورين، قالوا إن الأعداد لا تسمح بأن توفى بالعدد، لأن الضغط من مراكز أبوتشت ودشنا وفرشوط بالإضافة لنجع حمادي، زيادة عدد التذاكر من عندهم، رغم المطالبات بزياداتها أيام العيد والمناسبات، لكن للأسف المسئولين لا يستمعون لشكوانا، احنا مش طالبين المستحيل زيادة عدد تذاكر محطة نجع حمادي لأن تقريبا نص محافظة قنا بيسافروا ويحجزوا من محطة نجع حمادي، ومن المفترض أن يتم دعمها بالتذاكر". ويناشد المواطنون كامل الوزير، وزير النقل، والدكتور أشرف رسلان، بزيادة عدد التذاكر في محطة نجع حمادى في المناسبات والأعياد.

المصدر البوابة نيوز