الرئيسية / خدمات / الهجرة الى امريكا 2019-2020

الهجرة الى امريكا 2019-2020

للناس المهتمين بأمر الهجرة الى امريكا…

بالأمس تم فتح الموقع الرسمي للتقديم على الهجرة العشوائيه “اللوتري” الي امريكا من يوم 2 أكتوبر ويستمر حتى يوم 5 نوفمبر 2019

— الهجرة دي خاصة بسنة 2021 ولكن التقديم فيها بيكون في الوقت ده
— السنة دي تم تطبيق نظام جديد وهو انه لازم يكون عندك جواز سفر سارى اثناء التقديم لأنك هتكتب رقمة في الأبلكيشن
مش زي كل سنة كان التقديم بدون جواز سفر وكان كل واحد بيقدم لنفسه وأصحابه وابن عمة والصعيدى و البورسعيدى والشباب الاسكندرانى وكل صحاب حسين الجسمي دول, خلاص مفيش الكلام ده
لأن في ناس كانت بتكسب ومبتكملش اجراءات الهجرة, ودة افضل لانه هيقلل عدد المتقدمين و هيخلية للجادين فقط

— التقديم للهجرة لا يحدث غير عن طريق الموقع الرسمي للهجرة ومفيش موقع غيرة
https://www.dvlottery.state.gov

— اقرأ الأبلكيشن كويس ومتكتبش أي بيان غلط والا سيتم استبعادك حتى لو كسبت
— متقدمش اكتر من مرة والا هيتم استبعادك تلقائيا و توماتيكي توماتيكي

— اتصور صورة حديثة في اي ستوديو تصوير مقاس 5 فـ 5 بخلفية بيضا, بلاش صورة تانية اعدادي والعك ده
لأن لو شكلك في الصورة مختلف عن الواقع هيستبعدوك حتى لو كسبت, وراجع شروط الصورة الصحيحة على الموقع قبل التقديم

— الصورة بدون نظارة

— لو متزوج ممكن تقدم ابلكيشن ليك وابلكيشن لزوجتك ولو حد كسب الثاني هيكسب تلقائيا

— كتابة الأبلكيشن بالانجليزي, لو كتبته بالعربي هيبعتوك الصومال ولو مش عارف خلي حد يساعدك او اعملة عن طريق مكتب متخصص

— في الغالب دي هتكون اخر سنة للتقديم فى الهجرة العشوائية لأن أمريكا بصدد تغيير نظام الهجرة لأنه تسبب في دخول بعض قاموا بتنفيذ عمليات ارهابية داخل البلد, عشان كدة هيعملو نظام جديد للهجرة يعتمد على النقاط وفحص المتقدمين بعيدا عن القرعة
ودة أفضل لأنه هيمنع اعداء امريكا من اللي بيهاجموها ليل نهار بس هيموتو و يهاجروا إليها من دخولها, انتو عارفينهم طبعا…

حظ سعيد ليكم