الجمعة , يوليو 10 2020

ليالى الكنز الجزء السادس

حسام تقريبًا كان مركز معايا اكتر ماكان مركز مع الكنز ، كان بيدور على اى طريقة علشان اوافق على الجواز منه ، وبصراحة انا طمعانة فى الكنز وطمعانة اكتر اني اخلي حسام يساعدنى ونوصل ليه ، اتفقت معاه فى التليفون انى اشوفه تانى يوم واعرف منه فين مكان الكنز ، وفعلا قابلته فى الجامعة واتمشينا لحد كافيتريا الجامعة ورفض ان فاطمة اللى معانا فى الجروب تكون موجودة معانا علشان يعرف يتكلم معايا براحته ، واول ماقعدنا قالى:

= قبل اى حاجة تحلفيلي انك تتجوزيني

.. هتجوزك من غير حلفان

= وانا مصدقك

.. ايه اللى عرفته عن الكنز؟

= عرفت مكانه

.. بجد!

= انا لقيت كتاب مكتوب باللغة الفرنسية بيتكلم عن العصور الوسطى والكنوز اللى مدفونة تحت الارض فى كل بلدان العالم ، قعدت اترجمه واقرأ فيه من اول البحث لحد مالقيت المعلومة عن الكنز اللى بندور عليه

.. معلومة ايه؟

= الكنز فى مكان معين من الصحراء الغربية

.. وده هنوصله ازاى؟

= المشكلة مش فى هنوصله ازاى ، المشكلة الكبيرة فى الحكاية التاريخية للكنز ده

.. حكاية ايه؟

= فى العصور الوسطى ، كان الحرامية وبتوع الدعارة منبوذين من الناس ورغم ان الدعارة كانت مقننة لكن كان بيتبصلها بصة وحشة ، وقرروا انهم يعملوا اتفاق بين الحرامية والمومسات والقواد ، انهم يعيشوا مع بعض فى مكان معين بعيد ويبتدوا يبنوا فيه لحد مايكون افضل من المدن اللى حواليهم وكمان يتسيدوا القوم ، واتفقوا اتفاق مهم جدًا ان اى دهب او كنوز يتم جمعها تتحط فى صندوق مخصصينله مكان تحت الارض ولجأوا لعدد من السحرة علشان يحموا الكنز ده من السرقة ووكلوا اتنين منهم يكونوا مسئولين عن الكنز والصرف منه ،، دور المومسات كان كبير ، هما اكتر ناس كانوا بيقدروا يجمعوا الدهب والاحجار الثمينة عن طريق جسمهم او السرقة او الاتنين مع بعض ، المهم بقى فى الموضوع هنا لما المومس ليلان حاولت انها تفتح الكنز اللى جمعوه وتسرقه وتهرب بيه ، طبعًا مش لوحدها بعد مااقنعها ساحر انه هيقدر يوصلها للكنز عن طريق الجن العاشق اللى موجود تحت الارض وبيحمى الكنز

المومس كانت كل يوم بتروح للمكان اللى موجود فيه الكنز وتقلع هدومها وتغمض عينيها وتفضل تقول الكلام والتعاويذ اللى الساحر قالهالها ، بعد ماعدى كام يوم ، بدات تسمع صوت من تحت الارض ومش بس كده ، دى كمان بدات تحس ان حد بيحط ايده على جسمها وبيوشوشها ، الايام كانت بتعدى والموضوع بيتطور وكانت العلامة اللى هتعرف منها المومس ان السحر بتاعها نجح انها تقعد خمس ايام كل ماتروح المكان وتقلع هدومها ، تحس بالجن انه بينام معاها علاقة كاملة وكأنه معاها بالظبط من غير ماتحط ايديها على اى منطقة حساسة فى جسمها، ”
وفعلا ده حصل وفضلت 5 ايام بتنام مع الجن ، لحد ماطلبت منه انه يفتحلها الكنز ، وطبعًا نفذ الامر فورًا ، لكن وهي خارجة حصل اللى مكنتش متوقعاه ابدًا ، الكنز مكنش ليه جن واحد بس ، ده كمان ليه جنية مسئولة عن فتح الباب وعلشان الجن مصانش العهد للساحر ، اتحرق والجنية قتلت المومس ، ودارت حرب كبيرة جدًا بين المومسات والقواد والحرامية ، جزء كبير هرب والجزء التانى مات ، حتى السحرة اللى عملوا العهد مع الجن لحماية الكنز هما كمان ماتوا من غير مايفكوا العهد ده .

.. بعنى محدش فى العالم كله عارف الموضوع ده وحاول يفتحه ؟

= لا فيه ناس كتير حاولت وكانوا بيستخدموا طقش مغربي وعهود مع الجن لكن كلها مابتفلحش علشان الجن اللى موجود على الكنز اقوى من اللى بيستخدموه ، وطبعًا فيه اللى حاولوا وكانوا بيموتوا قبل مايوصلوا لان اساسا المنطقة بتاعة الكنز حواليها مايقدر ب50 كيلو رمال متحركة ، يعنى لو حد قرب للكنز هيموت لا محالة .

.. طب واحنا هنوصل للكنز ازاى يعنى؟!!!!

= عندى حل غريب ممكن بيه نقدر نوصل لسر الكنز …….

ليالى الكنز الجزء السابع